Author: Bvn Rwanda News

Madamu Jeannette Kagame yifurije abagore bose Umunsi Mpuzamahanga w’Abagore mwiza, abibutsa kwiyitaho, kwigenzura mu marangamutima, kwikunda no kwita ku bibazo by’ubuzima bwo mu mutwe. Ni ubutumwa yatanze kuri uyu wa 8 Werurwe 2026, umunsi u Rwanda n’Isi yose muri rusange byizihizaho Umunsi Mpuzamahanga w’Abagore. Mu butumwa yashyize ku rubuga nkoranyambaga rwa X, Madamu Jeannette Kagame, yibukije abagore kuzirikana indangagaciro zabo, kumenya imipaka batagomba kurenga no gusigasira ubuzima bwabo bwo mu mutwe. Yakomeje ati “Kuri uyu munsi twizihiza abagore, ndabasaba kongera kwigenzura mu marangamutima, imico, imyitwarire, mumenye kwibungabunga, byose bigamije kwiyubaka!” Yongeyeho ati “Uyu munsi wongere kubibutsa ko uko mukunda abandi…

Madamu Jeanette Kagame yifatanyije n’abagore ndetse n’abatuye mu Mujyi wa Kigali muri Siporo Rusange ngaruka kwezi, izwi nka ’Car Free Day’. yanahujwe no kwizihiza Umunsi Mpuzamahanga w’Abagore, uba ku wa 8 Werurwe buri mwaka. Uyu munsi mpuzamahanga wahawe insanganyamatsiko igira iti “Umugore ni uw’Agaciro”. Abandi bayobozi bagaragaye muri iyi siporo rusange yabaye kuri iki Cyumweru, tariki 8 Werurwe 2026, barimo Minisitiri wa Siporo, Nelly Mukazayire, n’Umuyobozi w’Umujyi wa Kigali, Dusengiyumva Samuel n’abandi. Nk’uko bimaze kumenyerwa, buri nshuro ebyiri mu kwezi habaho siporo rusange mu Mujyi wa Kigali, igahuriza hamwe abawutuye mu turere dutatu tuwugize bagakorera hamwe siporo. Abitabiriye iyi siporo…

Imirambo y’abasirikare batandatu ba Leta Zunze Ubumwe za Amerika biciwe ku birindiro byayo biri muri Koweit, yakiriwe mu cyubahiro. Ni umuhango wabereye ku birindiro bya Dover Air Force Base biherereye i Delaware ku wa Gatandatu. Donald Trump n’umugore we, Melania Trump hamwe na Visi Perezida, JD Vance, bari mu bagiye guha icyubahiro aba basirikare. Aba basirikare batandatu baguye mu gitero cy’indege ya drone cyagabwe na Iran ku wa 1 Werurwe 2026, ku birindiro by’ingabo za Amerika biherereye muri Koweit. Iran yarashe muri Koweit yihorera ku bitero Amerika na Israel biri kuyigabaho kuva ku wa 28 Gashyantare 2026. Batandatu bishwe n’iki…

Ikipe ya Marine FC yanganyije na APR FC mu mukino wo ku munsi wa 23 wa shampiyona y’icyiciro cya mbere ya 2025/2026 wakinwe kuri uyu wa Gatandatu saa Cyenda kuri Stade Umuganda. Marine FC yari imbere y’abafana bayo mu karere ka Rubavu yatangiranye imbaraga dore ko ku munota wa 5 gusa yahise ifungura amazamu ku gitego cya Menayame Ndombe ahawe umupira na Mbonyumwami Taiba. Ikipe ya Marine FC yakomeje gusatira binyuze ku bakinnyi bayo b’imbere nka Mbonyumwami Taiba. APR Fc nayo yagiye inyuzamo ikarema uburyo imbere y’izamu nk’aho myugariro Nshimiyimana Yunusu yahinduye umupira neza ariko habura uwushyira mu izamu. Ku…

Abayobozi batandukanye bahagarariye Abanyarwanda baba muri Leta Zunze Ubumwe za Amerika bakoze umwiherero w’iminsi ibiri, barebera hamwe ahari amahirwe yo guteza imbere igihugu cyabo n’uburyo bwo kugera ku Banyarwanda benshi kurushaho batuye muri icyo gihugu. Ni umwiherero wahurije hamwe abayobozi ku nzego zitandukanye, abakora mu mirimo inyuranye, abafatanyabikorwa n’abandi bafite umuhate wo gushyira imbaraga mu gukorera hamwe no gushimangira umubano hagati y’abari hanze y’u Rwanda n’igihugu cyabo bavukamo. Inkuru dukesha One Nation Radio igaragaza ko uwo mwiherero wari umwanya mwiza wo kongera imbaraga mu bikorwa umuryango w’Abanyarwanda baba muri Amerika usanzwe ukora birimo uruhare rwabo mu kuzamura ubukungu bw’igihugu, gusangira…

Abakunzi b’umuziki bakomeje kugaragaza ko batumva uburyo Bukayo Saka ukinira Arsenal atazi Celine Dion, ufatwa nk’umunyabigwi mu muziki w’Isi. Mu kiganiro Bukayo Saka aherutse guhuriramo na Tems, yumvikanye avuga ko atazi Celine Dion, uyu Munya-Nigeria umaze kwamamara mu muziki w’Isi aratungurwa. Tems yakomeje abwira Bukayo Saka ati “Ntabwo uzi uwo Celine Dion ari we?”, Saka nawe ati “oya, ni bibi?” Nyuma yo kubona ko uyu musore koko ashobora kuba atazi Celine Dion, Tems yagize ati “Mana yanjye, Celine Dion!” Ikiganiro cya Tems na Bukayo Saka kuri Celine Dion, cyazamutse nyuma y’uko uyu musore yari abajije Tems umuhanzi yakuze afata nk’icyitegererezo,…

Umutwe witwa Mouvement Debout Katanga pour la libération du Congo (MDKC), watangaje ko wamaze gutangiza intambara mu rwego rwo kubohora intara ya Katanga n’abanye-Congo muri rusange ‘ubutegetsi bw’igitugu’ bwa Perezida Félix Tshisekedi. Umuvugizi w’uyu mutwe, Colonel Ngoy Kumwimba Tigre, mu itangazo yasohoye ku wa Gatanu tariki ya 06 Werurwe 2026, yavuze ko abarwanyi bawo bamaze kwigarurira uduce twa Lusinga na Nkonga two muri Teritwari ya Mitwaba, mu ntara ya Katanga. MDKC ivuga ko ibihe Katanga n’abaturage bayo cyo kimwe na Repubulika Iharanira Demokarasi ya Congo muri rusange bari kunyuramo birenze urugero rwo kwihanganirwa. Uyu mutwe washinje Perezida Félix Tshisekedi n’ubutegetsi…

Gateka Brianne wamamaye nka Dj Brianne, hamwe na Tesha bakorana binyuze ku muyoboro wa YouTube bise “Dj Brianne Vogue”, berekeje ku Mugabane w’u Burayi mu rugendo rugamije guhura no gusabana n’abakunzi babo baba mu mahanga. Mbere yo guhaguruka ariko, bagize icyo bavuga kuri Bad Rama umaze iminsi atangaza ibiganiro biharabika ubuyobozi bw’u Rwanda. Dj Brianne na Tesha bahagurutse ku Kibuga Mpuzamahanga cy’Indege cya Kigali i Kanombe mu ijoro ryo ku wa Gatanu tariki ya 6 Werurwe 2026. Biteganyijwe ko bazasura ibihugu birimo u Bubiligi, u Bufaransa n’ahandi mu Burayi, ndetse bakaba bafite n’umugambi wo kuzagera muri Canada. Si ubwa mbere…

Ambasaderi w’u Rwanda muri Suède, Dr. Diane Gashumba, yashimiye icyemezo cy’umuhanzikazi Bwiza cyo gutangirira ibitaramo bye mu gihugu cya Suède, aho ategerejwe mu gitaramo cyo kwizihiza Umunsi Mpuzamahanga w’Umugore. Bwiza umaze iminsi ari ku mugabane w’u Burayi, ategerejwe mu gitaramo kizabera mu mujyi wa Stockholm ku wa 7 Werurwe 2026, aho azifatanya n’Abanyarwanda n’inshuti z’u Rwanda bahatuye mu kwizihiza umunsi mpuzamahanga wahariwe abagore. Mbere y’uko iki gitaramo kiba, kuri uyu wa 6 Werurwe 2026, Bwiza yakiriwe ku biro by’Ambasade y’u Rwanda muri Suède na Ambasaderi Diane Gashumba, wamuhaye ikaze ndetse anamwizeza ko azitabira igitaramo cye. Amb. Diane Gashumba yagaragaje ko…

Perezida wa Iran, Masoud Pezeshkian, yatangaje ko Inama iyoboye by’agateganyo iki gihugu yasabye ingabo zacyo kutongera kugaba ibitero mu bihugu by’abaturanyi biri mu Burasirazuba bwo Hagati. Mu butumwa yatangarije kuri televiziyo y’igihugu, Perezida Masoud yasobanuye ko ingabo zabo zitari zaragambiriye kurasa mu baturanyi kuko zibafata nk’abavandimwe kuko zibifuriza amahoro n’iterambere. Yagize ati “Nta mugambi twari dufite wo gutera ibihugu by’abaturanyi nk’uko nabivuze kenshi kubera ko ni abavandimwe bacu. Dukwiye kwifatanya n’izi nshuti zacu mu karere, tukagera ku mahoro n’iterambere.” Perezida Masoud yavuze ko ku wa 6 Werurwe 2026, Inama iyoboye Iran by’agateganyo yateranye, isaba ingabo z’iki gihugu kutongera kurasa mu…