Author: Bvn Rwanda News

Perezida wa Repubulika y’u Burundi akaba na Perezida wa Afurika Yunze Ubumwe muri iki gihe, Gen. Evariste Ndayishimiye, yakiriye intumwa ziturutse mu ihuriro East Congo Diaspora mu ngoro ya perezida i Gitega. East Congo Diaspora ivuga ko ari urubuga rw’ingenzi mu gushaka ishoramari no kwagura ubukungu mu burasirazuba bwa Congo rukorera muri Leta Zunze Ubumwe za Amerika. Kuri uyu wa Gatatu, umuyobozi w’izo ntumwa, Pasiteri Joshua Kibezi Munonge, yashyikirije Perezida Ndayishimiye impano y’ifoto ye mu rwego rwo “gushimira ubwitange adahwema kugaragaza mu guharanira amahoro, umutekano, n’ubwiyunge mu burasirazuba bwa Repubulika ya Demokarasi ya Congo” nk’uko byashyizwe ahagaragara na Perezidansi y’u…

Ihuriro ry’ingabo zirwanira ubutegetsi bwa Kinshasa rirashinjwa kurara risuka ibisasu mu bice bituwe cyane muri Minembwe, mu Ntara ya Kivu y’Amajyepfo nk’uko tubikesha itangazo ryashyizwe ahagaragara na AFC/M23 kuri uyu wa Kane. Iri tangazo rivuga ko “Mu ijoro ryo kuri uyu wa Gatatu ushize, itariki ya 3 kugeza ku ya 4 Kamena 2026, guhera saa moya z’ijoro kugeza saa kumi n’imwe za mugitondo, ihuriro ry’ingabo z’ubutegetsi bwa Kinshasa zakajije umurego mu gusuka ibisasu mu bice bituwe cyane bya Gakenke, Bidegu, na Mikenke muri Minembwe, bakoresheje drone za kamikaze na KT-6”. AFC / M23 ikomeza yibutsa ko “ubutegetsi bwa Kinshasa bwari…

Perezida wa Leta wa Zunze Ubumwe za Amerika, Donald Trump, yatangaje ko hari icyizere ko igihugu cye gishobora kugera ku masezerano yo kurangiza intambara yo muri Iran bitarenze iki cyumweru. Ibi Trump yabigarutseho ku wa Gatatu mu kiganiro yagiranye n’abanyamakuru muri White House, ashimangira ko Amerika na Iran bishobora kugera mu mpera z’iki cyumweru byamaze kumvikana. Ati “Numvise ko ibiganiro biri kugenda neza cyane. Bishobora kugerwaho mu mpera z’icyumweru (Weekend).” Ibyatangajwe na Trump kuri uwo munsi, bihabanye cyane n’ibyavuzwe na Minisitiri w’Ububanyi n’Amahanga wa Iran, Abbas Araghchi kuko we yemeza ko nta kintu gifatika cyari cyagerwaho mu biganiro by’impande zombi.…

Sosiyete ya Bahafrica Entertainment Ltd yashinzwe n’umuvugabutumwa akaba n’umukinnyi wa filime Usanase Bahavu Jannet afatanyije n’umugabo we Fleury Legend, yasinyanye amasezerano y’imikoranire na Zacu TV azatuma zimwe muri filime z’uruhererekane bakoze zitangira kujya zitambuka kuri iyi televiziyo mu gihe cy’imyaka itatu iri imbere. Aya masezerano yashyizweho umukono ku wa Kabiri tariki 2 Kamena 2026, hagati ya Bahafrica Entertainment Ltd na Zacu Entertainment, ikigo gicunga ibikorwa bya Zacu TV. Ku ruhande rwa Zacu Entertainment, amasezerano yashyizweho umukono na Nsengumuremyi Valens, mu gihe Fleury Legend ari we wayashyizeho umukono ahagarariye Bahafrica Entertainment Ltd. Mu butumwa bwashyizwe ku mbuga nkoranyambaga, Zacu Entertainment yatangaje…

Ihuriro AFC/M23 rirwanya ubutegetsi bwa Repubulika Iharanira Demokarasi ya Congo ryatangaje ko umuntu umwe wari waranduye Ebola mu Mujyi wa Goma yakize, asezererwa n’ibitaro. Tariki ya 17 Gicurasi 2026 ni bwo uyu murwayi yabonetse i Goma. AFC/M23 yasobanuye ko uyu ari umugore w’umugabo wari uherutse kwicwa na Ebola mu gace ka Bunia mu Ntara ya Ituri. Uyu murwayi akiboneka, yahise yoherezwa mu bitaro Heal Africa, urwego rw’ubuzima rwa AFC/M23 rushakisha abantu bose bashobora kuba barahuye na we, rubona 255. Kugeza ubu nta n’umwe muri abo biremezwa ko yanduye Ebola. Umuyobozi w’itsinda rya AFC/M23 rishinzwe guhangana na Ebola, Dr. Freddy Kaniki,…

Ikigo gikwirakwiza bisi zikoresha amashanyarazi mu Rwanda, BasiGo, kigiye kwinjiza bisi nshya 18 mu Rwanda zitwara abagenzi, zizakorera mu ntara zitandukanye mu rwego rwo guhangana n’izamuka ry’ibiciro by’ibikomoka kuri peteroli byatumbagiye no kwimakaza gahunda zo kurengera ibidukikije. Ni bisi zikoresha amashanyarazi 100%, ibifasha mu guhangana n’izamuka ry’ibiciro bya lisansi na mazutu no kubungabunga ibidukikije. Zifite kandi umwihariko wo kugenda urugendo rurerure ku buryo bisi ishobora kuva i Kigali ikajya mu Burasirazuba, ikongera kugaruka itarashiramo umuriro, kuko ishobora kugenda nibura ibilometero 400. Izi bisi zinafite ubushobozi bwo gutwara abantu 42, zikanagira n’umwanya mugari wo gutwaramo imizigo. Nubwo bisi z’amashanyarazi zimenyerewe mu…

Abadepite bo mu Nteko Ishinga Amategeko ya Leta Zunze Ubumwe za Amerika batoye itegeko ryambura Perezida Donald Trump ububasha bwo gufata ibyemezo bwite ku ntambara igihugu cye gihanganyemo na Iran. Umushinga w’iri tegeko wateguwe n’umudepite w’Umu-Démocrate, Gregory Meeks, ubwo yabonaga intambara Trump yashoje kuri Iran iri kugira ingaruka zikomeye ku bukungu bwa Amerika n’imibereho y’Abanyamerika. Depite Meeks yagaragaje ko Itegeko Nshinga riha Inteko Ishinga Amategeko ububasha bwo kugenzura ibitagenda neza mu gihugu, kandi ko ari yo isabwa uruhushya rwo gushyira mu bikorwa ibyemezo bikomeye. Yabwiye abanyamakuru ko Trump ari kugerageza gukoresha umwanya wa Perezida mu gufata ibyemezo bidakwiye ariko ko…

Weasel Manizo yatangaje ko ababajwe n’uko hari bamwe mu batunganya umuziki bafashe indirimbo Radio yasize atararangije cyangwa zitarajya hanze, bakazigurisha abandi bahanzi. Ibi umuhanzi Douglas Mayanja uzwi nka Weasel Manizo, wahoze aririmbana na nyakwigendera Mowzey Radio mu itsinda rya Goodlyfe, yabitangaje mu kiganiro yagiranye na radiyo ya Galaxy fm, aho yavuze ko kuva Radio yitabye Imana hakomeje kuvugwa byinshi ku bihangano byinshi yasize muri studio zitandukanye. Uyu muhanzi yavuze ko mu gihe Goodlyfe yari ikiri ku rwego rwo hejuru, bo batagiraga studio yabo bwite, ahubwo bakoranaga n’abatunganya umuziki batandukanye. Ibi byatumye Mowzey Radio asiga indirimbo nyinshi muri studio zitandukanye. Weasel…

Mu gitondo cyo kuri uyu wa 2 Kamena 2026, u Burusiya bwagabye ibitero karundura mu murwa mukuru wa Ukraine, Kyiv no mu bindi bice, gihitana abarenga 13, abandi benshi baburirwa irengero. Tariki ya 23 Gicurasi 2026, u Burusiya bwari bwahigiye kwihorera nyuma y’aho Ukraine igabye ibitero ku butaka bugenzura, birimo icyatwaye ubuzima bw’abanyeshuri 18, abandi 42 bagakomereka. U Burusiya bwohereje muri Kyiv, Dnipro no mu bindi bice bya Ukraine indege 656 zitagira abapilote ndetse na misile zigera kuri 73. Uretse abapfuye n’abaheze mu nzu zasenyutse, abantu 100 bakomeretse bikomeye. Ibi bitero kandi byagabwe ku bigo bya gisirikare bya Ukraine, ibikorwaremezo…

Minisiteri y’Ubuzima muri Uganda yatangaje ko abanduye Ebola yo mu bwoko bwa Bundibugyo bageze kuri 15 barimo batandatu babonetse kuri uyu wa 2 Kamena 2026. Iyi Minisiteri yasobanuye ko abantu 12 ari bo bakivurwa, babiri basezerewe n’ibitaro, umwe akaba yarishwe n’iki cyorezo. Kugeza kuri uyu wa 2 Kamena, abantu 668 ni bo bahuye n’abanduye kandi ko bari gukurikiranirwa hafi kugira ngo harebwe niba harimo abanduye iki cyorezo. Ebola yinjijwe muri Uganda n’Umunye-Congo waturutse mu Ntara ya Ituri mu burasirazuba bwa Repubulika Iharanira Demokarasi ya Congo, yanduza abandi barimo abaganga bamwitayeho. Minisiteri y’Ubuzima muri RDC yo yemeje ko abo byemejwe ko…