Ibikubiye mu masezerano ahenze ku Isi Cristiano yasinye muri Al Nassr

‎Ku bijyanye n’amafaranga azajya ahembwa agera kuri miliyoni 178 z’Amapawundi ku mwaka aho uyashyize mu Manyarwanda angana na 353,610,706,000.

‎Ku kwezi ho azajya ahabwa angana na 14,820,000 mu Mapuwundi naho mu Manyarwanda abe 29,441,071,140. Ku Cyumweru ho azajya ahembwa angana n’Amapuwundi 3,420,000 naho mu Manyarwanda abe 6,794,093,340.

‎Ku munsi azajya ahembwa amafaranga angana n’Amapuwundi 488,571 naho mu Manyarwanda angane na 970,583,911. Ku Isaha azajya ahembwa Amapawundi 20,357 aho mu Manyarwanda akaba ari 40,440,747. Ku munota ho ni Amapawundi 339, mu Manyarwanda akaba 673,449 naho ku isegonda akazajya ahembwa angana n’Amapuwundi 5 aho mu Manyarwanda ari 9,932.

‎Usibye aya mafaranga kandi ibindi bikubiye mu Masezerano harimo ko agomba guhabwa imigabane ingana na 15% muri Al Nassr ifite agaciro kangana na Miliyoni 33 z’Amapawundi, kuzahabwa Miliyoni 24.5 z’Amapawundi ashobora kwiyongera kugeza kuri Miliyoni 38 z’Amapawundi naramuka asoje umwaka we wa kabiri w’amasezerano.

‎‎Buri gitego atsinze azajya ahabwa ibihumbi 80 by’Amayero akaba azayongeraho 20% mu mwaka we wa kabiri. Najya atanga umupira ukavamo igitego azajya ahabwa ibihumbi 40 by’Amapawundi, gusa mu mwaka wa kabiri w’amasezerano haziyongeraho 20%.

‎‎Ikipe ya Al Nassr nitwara igikombe, Cristiano azahabwa Miliyoni 8 z’Amapawundi,natsinda ibitego byinshi muri shampiyona azahabwa Miliyoni 4 z’Amapawundi naho ahabwe Miliyoni 6.5 z’Amapawundi nafasha Al Nassr kubona itike y’imikino ya Champions League yo muri Asia ndetse bakanayitwara.

‎Cristiano Ronaldo kandi agomba guhabwa abakozi 16 bahoraho barimo abashoferi 3, abakora mu rugo bane, abashinzwe guteka 2, abakora mu busitani 3 ndetse na bane bashinzwe umutekano. ‎‎Agomba kuzajya ahabwa Miliyoni 4 z’Amapawundi zizajya zigenda kuri Privet jet ye ndetse azajya ahabwa Miliyoni 60 z’Amapawundi avuye mu bafatanyabikorwa bashya Al Nassr ibonye.

‎

Cristiano Ronaldo yasinye amasezerano ahenze mu mateka y’umupira w’amaguru