Abanyamuryango ba FPR-Inkotanyi batuye mu Bubiligi n’inshuti zabo, bahuriye mu mwiherero ngarukamwaka uzwi nka ‘La Foresta’, banahabwa amahugurwa atandukanye yo kubafasha gukomeza gushyira mu bikorwa neza imigabo n’imigambi y’uyu muryango.
Guhera mu 2011, buri mwaka abanyamuryango ba FPR-Inkotanyi batuye, biga cyangwa bakorera mu Bubiligi, barahura bagatumira n’inshuti zabo, bakaganira ku iterambere ry’uyu muryango muri iki gihugu.
Uyu mwiherero wabaye Kuri uyu wa Gatandatu tariki ya 13 Kamena 2026. Waranzwe n’amahugurwa agenewe aboyobozi b’umuryango mu nzego zitandukanye, aho baganiriye ku ngingo ijyanye n’imigabo n’imigambi by’umuryango.
Bimwe mu byo bibanzeho muri aya mahugurwa, harimo inkingi icyenda mu zigize gahunda y’icyerekezo y’Umuryango wa FPR-Inkotanyi.
Aya mahugurwa yayobowe na Jack Abby Habimana uyobora abanyamuryango ba FPR-Inkotanyi batuye mu Bubiligi.
Théoneste Kalinamaryo ushinzwe ubukangurambaga mu bunyamabanga bukuru bwa FPR-Inkotanyi na Kanangire Christian batanze ibiganiro byagarutse ku ruhare rw’abanyamuryango mu gushyigikira imibare myiza hagati y’u Rwanda n’amahanga.
Mu bindi byaranze uyu mwiherero harimo ibiganiro byabaye mu matsinda, aho bihaye umukoro mu gufatanya guteza imbere umuryango wa FPR-Inkotanyi bahereye aho batuye.
