Nyuma yo gutsinda Gisagara VC amaseti 3-1 ku mukino wa nyuma, REG VC yegukanye igikombe cy’irushanwa ryo kwibuka Padiri Kayumba Emmanuel ryakinwaga ku nshuro ya 16.
Iri rushanwa ryakinwe iminsi ibiri ya tariki ya 7-8 Wrurwe 2026, ribera mu kigo cy’ishuri cya GSOB Inkesha n’Indatwa riherereye mu Karere ka Huye.
Mu cyiciro cy’abatarabigize umwuga, harimo Kinyinya, Rusizi, Umucyo, Indatwa, Division IV [yo muri RDF], Buffle F na Tout Age.
Muri Serie A mu bagabo, hari hitabiriye amakipe arimo Gisagara VC, REG VC, Kepler VC, KVC VC na East Africa University Rwanda VC.
Muri Serie B hari hitabiriye amakipe arimo UR-Huye, Win Stars, Tout Age, Kinyinya B, UR-Nyarugenge na UR-Busogo.
Amakipe y’ingimbi yitabiriye, yarimo E.SC Byimana, St. Marry Kiruhura, Umutara Polytechnic [Gakoni], CXR, St. Ignace, Nyaruguru, St. Kizito Save, Gisagara VA, Nyanza TSS, PSVF, GSOB A na GSOB A.
Mu cyiciro cya Serie A, REG VC yatsindiye Gisagara VC ku mukino wa nyuma amaseti 3-1 [25-14, 25-20, 24-26 na 26-24], maze yegukana igikombe cyari kibitse i Gisagara.
Muri Serie B ho, ikipe ya Kinyinya yegukanye igikombe nyuma yo gutsinda UR-Huye amaseti 3-0 [25-21, 25-22 na 25-15].
Mu cyiciro cy’ingimbi, Umutara Polytechnique ni yo yegukanye igikombe nyuma yo gutsinda Nyanza TSS amaseti 3-1 [25-12, 28-26, 16-26 na 25-16].
Mu cyiciro cy’amashuri yisumbuye [O’Level], Regina Pacis yegukanye igikombe nyuma yo gutsinda GSOB amaseti 3-2 [14-25, 25-19, 25-20, 18-25 na 15-11].
Mu batarabigize umwuga, Kinyinya yegukanye igikombe nyuma yo gutsinda Umucyo amaseti 3-0 mu gihe muri iki cyiciro ikipe ya Indatwa yabaye iya Gatatu nyuma yo gutsinda Rusizi amaseti 3-0.
Mu cyiciro cy’abakuru [Serie A], EAUR yegukanye umwanya wa Gatatu nyuma yo gutsinda Kepler VC amaseti 3-1 mu gihe muri Serie B, Win Star ari yo yawegukanye nyuma yo gutsinda UR-Busogo amaseti 3-2.
Mu ngimbi, GSOB ni yo yabaye iya Gatatu nyuma yo gutsinda PSVF amaseti 3-0 mu gihe mu cyiciro cya O’Level, Nyaruguru ari yo yabaye iya Gatatu nyuma yo gutsinda PSVF amaseti 3-0.
Muri iri rushanwa ngarukamwaka kandi, hanakinwa indi mikino irimo Koga, Gusiganwa ku igare, Gukina igisoro n’indi.
Muri iri rushanwa ngarukamwaka kandi, hanakinwa indi mikino irimo Koga, Gusiganwa ku igare, Gukina igisoro n’indi.
