Umukaridinari wo mu Budage yasabye ko abantu bagomba kwirinda ‘lobbies ideologie’, harimo n’abitwa ‘gay lobby’, mbere y’amatora yo gutora Papa mushya. ‘lobbies ideologi’ ijyanye no gushyigikira abaryamana bahuje ibitsina ndetse no gusezeranya abahuje ibitsina bakabana nk’umugore n’umugabo. Uyu mu Karidinari akaba yasabye ko uzaba Papa mushya agomba kwirinda kugendera muri iyi nzira ahubwo agakurikiza icyo Bibiliya ibivugaho.
Aganira n’ikinyamakuru La Stampa cyo mu Butaliyani, yashimangiye ko Papa mushya agomba kuba afite ‘ishingiro rya tewolojiya n’inyigisho’ kandi agahagarara ashikamye anarwanya ibyo uyu mu Karidinari yise ‘iterabwoba rikabije ry ‘ubuyobe n’ ingengabitekerezo y’uburinganire.’
Yatangaje ati: “Inyigisho ntabwo ari umutungo wa Papa, abasenyeri, cyangwa abiayimana. Igomba guhuza n’ijambo rya Yezu. Ntawe ushobora kubihindura. Niba Yezu avuga ko gushyingirwa biri hagati y’umugabo n’umugore, nta muntu ushobora guhindura iyo nyigisho.”
Karidinali yeruye yamagana abavuga ko gushyingirwa hagati y’abahuje ibitsina ari umuhamagaro, avuga ko ‘bivuguruza rwose inyigisho za Bibiliya’.
Umuburo we waje mu gihe abakaridinari baturutse hirya no hino ku isi bateraniye i Roma mu cyuma gifunze, mu nama y’ibanga kugira ngo bashyireho itariki ya konlave (gutora papa mushya), izatangira ku ya 7 Gicurasi 2025.
