Ikipe ya APR FC na Rayon Sports zizahabwa arenga Miliyoni 143 z’Amanyarwanda kubera guhagararira u Rwanda mu mikino Nyafurika.
Bivuze ko APR FC izasohokera u Rwanda muri CAF Champions League na Rayon Sports izasohoka muri CAF Confederation Cup zizahabwa aya mafaranga angana na 143,707,700 Frw.
Aya mafaranga yazamuwe dore ko APR FC na Police FC zitabiriye imikino nyafurika mu mwaka w’imikino ushize, zombi zari zahawe ibihumbi 50$ akaba ari na bwo bwa mbere yari atanzwe. Biteganyijwe ko imikino ya CAF Champions League na CAF Confederation Cup 2025-2026, izatangira hagati muri Nzeri 2025.
