Ikipe ya Rayon Sports izacakirana na APR FC mu kwezi kwa 11 ku ngengabihe y’uko amakipe azahura muri shampiyona y’’icyiciro cya mbere mu Rwanda ya 2026/2027.
Tariki ya 4 Nzeri ku munsi wa mbere wa shampiyona, Kiyovu Sports na Gorilla FC ni zo zizabimburira izindi saa Cyenda kuri Kigali Pele Stadium naho bukeye bwaho Amagaju FC akine na Etoile de l’Est saa Cyenda ku kibuga cya Kamena.
APR FC na Rayon Sports zizaba ziri mu mikino ya CAF Champions League na Confederation Cup zo imikino yazo yagizwe ibirarane.
Umukino uba utegerejwe na benshi wa Rayon Sports na APR FC uzakinwa tariki ya 21 z’ukwezi kwa 11 saa Kumi n’Imwe muri Stade Amahoro.
