Ikipe ya APR FC yatangiye Shampiyona itsinda umukino wayo wa mbere muri uyu mwaka w’imikino, nyuma yo gutsinda Etincelles FC ibitego 2-0 mu mukino wabereye kuri Stade Umuganda mu Karere ka Rubavu.
Uyu mukino wabaye kuri uyu wa Gatandatu, saa cyenda z’amanywa, ukaba wari umukino wa mbere APR FC yari ikinnye muri Shampiyona, nyuma yo gusezererwa muri CAF Champions League.
Igitego cya mbere cya APR FC cyabonetse ku munota wa 46, ubwo Dauda Yussif yaherezaga umupira Djibril Ouattara, na we awuha William Togui ahita atsinda igitego cyiza.
APR FC yakomeje gusatira ishaka kongera ibitego, iza kubona icya kabiri gitsinzwe na Nshimiyimana Yunusu mu gice cya kabiri, ku mupira wari uturutse kuri koroneri yatewe na Dauda Yussif.
Iyi ntsinzi yahesheje APR FC amanota atatu ya mbere muri uyu mukino wa Shampiyona, itangira urugendo rwo guhatanira igikombe cy’uyu mwaka ari nayo ifite igiheruka cya Saison 2025-2026.
