Niyonkuru Florence usiganwa ku maguru akomeje kwandika amateka muri uyu mukino, aho kuri iyi nshuro yahesheje u Rwanda Umudali w’Umuringa mu mikino ya Shampiyona y’Isi ya 2026.
Ni imikino yiswe ‘World Athletics Road Running Championships’ itegurwa n’Ishyirahamwe ry’Imikino yo gusiganwa ku Maguru ku Isi (World Athletics), iri kubera mu Mujyi wa Copenhagen muri Danemark.
Kuri iki Cyumweru, tariki ya 20 Nzeri 2026, abakinnyi bakoze ibilometero 21 (Half Marathon), mu bagore, ari na ho uyu mukinnyi uri mu bahagarariye u Rwanda yitwariyemo neza.
Niyonkuru Florence, Emeline Imanizabayo na Ibishatse Angelique ni bo bahagarariye u Rwanda muri iri rushanwa.
Muri aba bose, Niyonkuru ni we witwaye neza akoresha isaha imwe, iminota itandatu n’amasegonda atanu, asiganwa na Agnes Jebet Ngetich wabaye uwa mbere na Veronica Loleo wabaye uwa kabiri, bombi bo muri Kenya.
Niyonkuru w’imyaka 25 aherutse kuba uwa gatatu mu Mikino ya Commonwealth, aho yatwaye umudali w’Umuringa mu gusiganwa mu ntera ya metero 10.000, ari na wo wa mbere igihugu igihugu cyari kibonye muri iyi mikino.
Andi mateka aheruka kwandika ni ukwegukana umudali wa Zahabu mu gusiganwa metero ibihumbi 10 muri ‘TCS World 10K Bengaluru’ yabereye mu Buhinde.
