Perezida wa Repubulika Iharanira Demokarasi ya Congo, Félix-Antoine Tshisekedi Tshilombo, yageze i Zanzibar kuri uyu wa Mbere tariki ya 17 Kanama 2026, aho yatangiye uruzinduko rw’akazi rw’iminsi ibiri muri Repubulika Yunze Ubumwe ya Tanzania.
Itangazo rya Perezidansi ya Repubulika ya Demokarasi ya Comgo riravuga ko, uru ruzinduko rwabaye ku butumire bwa mugenzi we wa Tanzania, Perezida Dr Samia Suluhu Hassan.
Mu gihe azaba ari muri Tanzania, Perezida Tshisekedi azagirana ibiganiro n’ubuyobozi bw’iki gihugu, mu rwego rwo gukomeza umubano n’ubufatanye hagati ya Repubulika Iharanira Demokarasi ya Congo na Tanzania.
Urwo ruzinduko ruje mu gihe ibihugu byombi bikomeje gushimangira umubano w’ibihugu byombi, by’umwihariko mu bijyanye n’ubufatanye mu nzego zitandukanye.
Perezida Tshisekedi ateganyijwe kumara iminsi ibiri muri Tanzania, aho azasoza uruzinduko rwe rw’akazi nyuma y’ibikorwa bitandukanye azagiramo uruhare.
