Imyigaragambyo yo muri Iran igamije kwamagana ubutegetsi bw’iki gihugu imaze guhitana abantu barenga 3000 kuva yatangira.
Umuryango uharanira uburenganzira bwa muntu wo muri Leta Zunze Ubumwe za Amerika watangaje ko imyigaragambyo yo muri Iran igamije kwamagana ubutegetsi bw’iki gihugu imaze guhitana abantu 3.090 harimo 2.885 bigaragambya.
Iyi myigaragambyo yatangiye ku wa 28 Ukuboza 2025, itewe n’izamuka rikabije ry’ibiciro, nyuma iza guhinduka igamije kwamagana abayobozi ba Iran.
Ubutegetsi bwa Iran bwashinje Leta Zunze Ubumwe za Amerika na Israel kuba ari byo bihugu byihishe inyuma y’izo mvururu.
Icyakora mu gucubya iyi myigargambyo Leta yakuyeho internet gusa Perezida Trump yasabye Elon Musk kuyisubizaho akoresheje Satellite ya Starlink.
Mu butumwa, Urubuga NetBlocks rukurikirana ikoreshwa rya internet ku Isi rwanyujije kuri X, rwatangaje ko internet yongeye kugaruka muri Iran nyuma y’amasaha arenga 200 ihagaritswe kubera iyi myigaragambyo.
