Imitwe yitwaje intwaro yagabye ibitero mu bice bitandukanye by’igihugu harimo no mu murwa Mukuru Bamako, ingabo zivuga ko ziri mu bikorwa byo kuyirwanya.
Igisirikare cya Mali mu ijoro ryo ku wa 25 Mata 2026 cyatangaje ko ibitero byo kwirukana aba barwanyi byari bikomeje ndetse bamwe bahise bahunga.
Imirwano yumvikanye mu gace ka Kati, ahakomoka abasiriakre benshi, muri Gao no mu mijyi yo hagati mu gihugu nka Sevare na Mopti.
BBC yanditse ko no kuri iki Cyumweru tariki 26 Mata 2026, urusaku rw’amasasu rwumvikanye muri Kidal.
Abarwanyi b’umutwe wa Azawad Liberation Front, ushaka ko ubwoko bw’Abatuareg bwigenga wibanze ku mijyi yo mu Majyaruguru, mu gihe umutwe wa kiyisilamu witwa Jama’at Nusrat al-Islam wal-Muslimin (JNIM) wagabye ibitero ahandi hose mu gihugu.
Igisirikare cya Mali cyatangaje ko kiri kurwana n’imitwe y’iterabwoba ndetse benshi bahasize ubuzima.
