Ukraine yatangaje ko imaze guhitana abasirikare b’u Burusiya 1.312.140 kuva intambara yatangira ku wa 24 Gashyantare 2022. Ni imibare yatangajwe n’Umugaba Mukuru w’Ingabo za Ukraine ku wa 13 Gashyantare.
Iyo mibare y’abishwe irimo n’abasirikare 960 b’u Burusiya bishwe ku Cyumweru.
Raporo ya Ukraine ivuga ko ibifaru 11.861 by’u Burusiya byashwanyujwe, imodoka z’intambara 24.386 zikangizwa, naho imodoka zitwara lisansi n’ibigega bingana na 89.099 bigatwikwa.
Ikindi kandi ni uko intwaro zikoreshwa mu gutera ibisasu byo mu kirere zigera kuri 39.915 zarangijwe, cyo kimwe na rocket 1.728 n’ubwirinzi bwo mu kirere 1.346.
Ukraine ivuga kandi ko indege z’u Burusiya 435 z’intambara hamwe na kajugujugu 350 nazo zangijwe. Ukraine ivuga ko drones 235.394, ubwato 33 n’ubundi bubiri bugendera munsi y’amazi bwangijwe.
Ku rundi ruhande, u Burusiya buherutse gutangaza ko mu cyumweru cya nyuma cya Werurwe, bwishe abasirikare ba Ukraine 2.545, bugashwanyuza ibifaru bine birimo n’ibya Abrams byatanzwe na Amerika. Mu bindi bwangije harimo ibifaru 68 z’izindi modoka z’intambara 106.
U Burusiya buvuga ko iminara 11 yakoreshwaga mu itumanaho ku rugamba na yo yangijwe.
